|
بو دفعه ايستيرم اؤزﯙمه گؤره دانيشام.
من موسي مرادي، 1367 اينجي ايلين، امرداد آييندا، مرند شهريستانينين بير كندينده، آنادان اولدوم.
3 ياشيماجان كندده ياشاديخ و سونرا 2 ايل گلديخ مرنده. گينه ده بير پارا مـﯙشكيلاتا گؤره، 1 ايلليغا گييدديخ كنده و اوندان سونرا گينه گلديخ مرنده.
مرندده ده بوراكيمين4-5 دفعه ائو دييشميشيخ.
خب. اول ايبتيداييني كند ده اوخودوم. اوبيريسي 4 ايلي مرند ده درس اوخودوم. راهنيمايي و دبيريستانيدا مرند ده و نيمونه مدرسهلرينده گئچيدديم.
بو ايللريم ده خوشبختانه و آللاهين مدديينن، ائليه بـﯙلدﯙم، «دانشگاه صنعتي شريف»ين «مهندسي كامپيوتر» ريشتهسينه چيخام؛
كي البته بو ريشته منيم مورد علاقه ريشتهمييدي.
منيم كامپييوتئره علاقهم ده تقريباً اول راهنماييدن باشلاندي. او زامان كامپييوتئر ايندي كيمين
فراگير اولماميشدي. اول راهنماييني گوتاراندان سونرا، او ايلين ياييندا گئدديم و كامپييوتئر كيلاسينا يازيلديم.
البته يازيلماغيم دا علاقهيه گوره دييردي و فقط بونا گؤره كي يايدان مـﯙفيد ايستيفاده ائلييم، يازيلديم.
بالاخره كيلاسا گئدديم و DOS و QBasicي مـﯙقددماتي صورتينده اؤرگشديم. اولين باز دا، من
او زامان كامپييوتئر و برنامهنويسييه علاقه تاپديم. ايكي ايلدن سونرا گئدديم و QBasic برنامهنويسيسيني پيشرفته صورتينده ايدامه وئرديم.
كيلاسدان سونرا، اؤزﯙم آيري كيتابلارداندا ايستيفاده ائلييييديم.
اﯙچ ايلدن سونرا و سوم دبيريستان كيلاسينا گئدنده بير دنه كامپييوتئر آلديخ و من ايشلريمي ايدامه وئرديم.
بو دفعه ويژوال بيسيك ديلينين اؤرگشماغيني باشلاديم. ولي هئچ كيلاسا گئدمديم. اؤزﯙم كيتابدان، اينتئرنئتدن، آموزشي وئبلاگلاردان و ... ايستيفاده ائلهديم
و بو ديلي اؤرگشديم. اوراكيمين اؤرگشديم كي سونرا اؤزﯙم بير «آموزش ويژوال بيسيك» وئبلاگي آشديم و بير پارا مطاليب اوردا يازديم كي البته بو وئبلاگ
هله ده گالير و ائلييه بـﯙلرسيز بوردان اوني گؤرهسيز. البته چوخداندي كي اوني آپديت ائلهمهميشم.
اوندان سونرا ++C ديليني اؤرگشماغي باشلاديم. آقاي جعفرنژاد قمينين كيتابيني آلديم
و اوخوماغي باشلاديم. ++C و ++Visual Cين اؤرگشماغيني حتي كنكوردان سونرا دا ايدامه وئرديم و بالاخره ائلييه بـﯙلدﯙم
بير ياخجي يئرهجان اؤرگشم. بو حئينده مـوبايل برنامهنويسيسينهده علاقمند اؤلدوم و اونيندا اؤرگشماغيني باشلاديم. بونا گؤره كي
«برنامهنويسي موبايل» ايراندا تزه بيرزاددي، فارسي منبع اؤنا گؤره اصلاً يوخوردي. اونا گؤره باشلاديم اينگيليسي
منابعدن ايستيفاده ائلهديم، كي هله ده بو اؤرگشماغيمي ايدامه وئريرم. اؤز اؤرگشديخلاريمي بير وئبلاگدا مـﯙنتشر
ائلهديم كه ائلييه بـﯙلرسيز بو وئبلاگدا اوني گؤرهسيز.
آخي بير نفر يوخدي منه دئسين كي آي بالا! سنين مگر نئچه ياشين واردي كي اوتوموسان زينديگينامه سازيرسان؟
|
